E aña aki lo bolbe organisá e Marshe di Estudio i Profeshon na Boneiru dia 14 di novèmber den salanan na Jong Bonaire.
Meta di e Marshe di Estudio i Profeshon ta: Pa yuda e studiante den su proseso di skohe un estudio i/òf profeshon. Pa e motibu aki tambe ta duna e hóben oportunidat pa sera konosí ku posibilidatnan ku tin riba merkado laboral, estudionan i profeshonnan. Un studiante bon prepará tin mas posibilidat di tin éksito den su estudio i su profeshon.

E marshe ke enfatisá e konekshon entre studiante/estudio i merkado laboral/profeshon, p’esei ta skohe pa e lema: “Huntu nos por, p’esei, ban prepará pa nos futuro!”

Marshe di Estudio i Profeshon 2008 a tabata un éksito. Un kantidat grandi di institutonan di MBO i HBO i kompanianan di Aruba, Boneiru, Kòrsou i Hulanda a partisipá.

Komité organisadó a haña fondo pa kumpra un mat spesial pa pone den sala di deporte, i di e forma akí por a ubiká mas partisipante. Ademas a kambia orario di e marshe, esta di 3 or atardi te ku 8 or di anochi. Promé mandatario di Boneiru, señor dr. Glenn Thodé a hasi apertura ofisial. 
Bishitantenan a yena enkuesta i a evaluá e marshe komo uno ku tabata bon organisá.

E aña akí Marshe di Estudio i Profeshon lo ta habrí di 3 or di atardi te ku 8 or di anochi. Instansianan, kompanianan i institutonan por kuminsá drecha nan stènt for di 12 or di mèrdia.

Lo manda un formulario di inskripshon pa kada instansia, kompania i instituto ku a partisipá na e marshe di 2008. Nos ta spera di por konta ku un grupo grandi di partisipante ku lo yuda hubentut di Boneiru hasi un mihó eskoho di estudio i profeshon. Por haña tur informashon riba wèpsait di e fundashon, www.banboneirubek.com .

Persona di kontakto pa Marshe di estudio i Profeshon 2008 ta:
señora Lilian Paula-Crestian,
e-mailadres: sbm@banboneirubek.com ">mailto: sbm@banboneirubek.com